Category: Uncategorized

ಬೇಕಾಗಿರುವ ಸಾಮಾಗ್ರಿಗಳು:
1 ಕಪ್ ಬಾಸ್ಮತಿ ಅಕ್ಕಿ
2 ಚಮಚ ತುಪ್ಪ
1 ಕಪ್ ಈರುಳ್ಳಿ
ಗೋಡಂಬಿ 8- 10
ಒಣ ದ್ರಾಕ್ಷಿ 8-10
ಲವಂಗ 2-3
ಚೆಕ್ಕೆ 2-3
ಕಾಳು ಮೆಣಸು 3-4
ಹಸಿ ಮೆಣಸಿನಕಾಯಿ1-2

ಮಾಡುವ ವಿಧಾನ:
ಒಂದು ಒಲೆಯ ಮೇಲೆ ಪಾತ್ರೆ ಇಡಿ ಅದಕ್ಕೆ 2 ಚಮಚ ತುಪ್ಪ ಬಿಸಿ ಮಾಡಿ ನಂತರ ಗೋಡಂಬಿ, ಒಣ ದ್ರಾಕ್ಷಿ ಹಾಕಿ ಚೆನ್ನಾಗಿ ಹುರಿದು ಅದನ್ನು ಒಂದು ಪಾತ್ರೆಯಲ್ಲಿ ತೆಗೆದಿಟ್ಟುಕೊಳ್ಳಿ. ನಂತರ ಲವಂಗ, ಚಕ್ಕೆ,ಕಾಳು ಮೆಣಸು, ಹಸಿ ಮೆಣಸಿನಕಾಯಿ ಮತ್ತು ಈರುಳ್ಳಿ ಹಾಕಿ ಹುರಿದುಕೊಳ್ಳಿ ನಂತರ ಮುಂಚೆನೆ ನೆನಸಿರುವ 1 ಕಪ್ ಅಕ್ಕಿಯನ್ನು ಹಾಕಿ ಅದಕ್ಕೆ ಎರಡು ಕಪ್ ನೀರು ಹಾಕಿ ಎಲ್ಲವನ್ನೂ ಚೆನ್ನಾಗಿ ಮಿಶ್ರಣ ಮಾಡಿ ಮೇಲೆ ಮುಚ್ಚಳವನ್ನು ಮುಚ್ಚಿ ಸಣ್ಣ ಒಲೆಯ ಮೇಲೆ 20 ನಿಮಿಷಗಳ ಕಾಲ ಬೇಯಲು ಬಿಡಿ ನಂತರ ಮುಚ್ಚಿರುವ ಮುಚ್ಚಳವನ್ನು ತೆಗೆದು ಅದಕ್ಕಿ ಮುಂಚೆನೆ ಹುರಿದಿಟ್ಟಿರುವ ಒಣದ್ರಾಕ್ಷಿ, ಗೋಡಂಬಿ ಯನ್ನು ಮಿಶ್ರಣ ಮಾಡಿದರೆ ರುಚಿಕರವಾದ ಗೀ ರೈಸ್ ಸವಿಯಲು ಸಿದ್ಧ.

ಅತ್ಯಂತ ಸರಳ ವಿಧಾನ:-
ಬೇಕಾಗುವ ಸಾಮಗ್ರಿಗಳು :-
3-4 ಹಣ್ಣಾದ ಮಾವಿನ ಹಣ್ಣು
1 ಕಪ್ ಹಾಲು
2 ಚಮಚ ಸಕ್ಕರೆ
2 ಏಲಕ್ಕಿ

ಮಾಡುವ ವಿಧಾನ:-
ಮೊದಲು ಮಾವಿನ ಹಣ್ಣನ್ನು ನೀರಿನಲ್ಲಿ ಚನಾಗಿ ತೆಳೆದು ನಂತರ ಕಟ್ಟಮಾಡಿ ಸಿಪ್ಪೆ & ಚಿಪ್ಪನ್ನು ತೆಗೆದು ಉಳಿದಿರೊ ಭಾಗವನ್ನು ಮಿಕ್ಸಿ ಜಾರಿನಲ್ಲಿ ಹಾಕಿ ನಂತರ ಅದಕ್ಕೆ 1 ಕಪ್ ಹಾಲು, 2ಚಮಚ ಸಕ್ಕರೆ & 2 ಏಲಕ್ಕಿ ಯನ್ನು ಬಿಡಿಸಿ ಹಾಕಿ ನುನ್ನಗೆ ರುಬ್ಬಿದರೆ ರುಚಿರವಾದ ಮಾವಿನ ಹಣ್ಣಿನ ರಸಾಯನ (milk shake) ಕುಡಿಯಲು ರೆಡಿ.

ಬೇಕಾಗುವ ಸಾಮಗ್ರಿಗಳು:-
4-5 ಹಣ್ಣಾದ ಮಾವಿನ ಹಣ್ಣು
1/2 ಕಪ್ ಬೆಲ್ಲ
1 ಚಮಚ ಏಲಕ್ಕಿ ಪುಡಿ
1/4 ಚಮಚ ಉಪ್ಪು

ಮಾಡುವ ವಿಧಾನ:-ಮೊದಲು ಹಣ್ಣಾದ ಮಾವಿನ ಹಣ್ಣನ್ನು ಚನ್ನಾಗಿ ನೀರಿನಲ್ಲಿ ತೊಳೆದು ನಂತರ ಹಣ್ಣಿನ ಮೇಲಿರುವ ತುದಿಯನ್ನು ತೆಗೆದು ಚಿಪ್ಪು ಸಮೇತ ರಸವನ್ನು ಒಂದು ಬೌಲನಲ್ಲಿ ಹಾಕಿ ನಂತರ ಸ್ಲಲ್ಪ-ಸ್ವಲ್ಪ ನೀರನ್ನು ಹಾಕಿ ಚಿಪ್ಪಿನಲ್ಲಿರುವಂತ ಎಲ್ಲ ರಸವನ್ನು ತೆಗೆದು ಚಿಪ್ಪನ್ನು ಹೊರಗೆ ತೆಗೆದುಕೊಳ್ಳಿ. ನಂತರ ಆ ಮಾವಿನ ಹಣ್ಣಿನ ರಸಕ್ಕೆ 1/2ಕಪ್ ಬೆಲ್ಲ (ರುಚಿಗೆ ತಕ್ಕಷ್ಟು ಬೆಲ್ಲ), 1 ಚಮಚ ಏಲಕ್ಕಿ ಪುಡಿ, & 1/4 ಚಮಚ ಉಪ್ಪು ಹಾಕಿ ನೀಟಾಗಿ ಎಲ್ಲವನ್ನು ಕಲಿಸಿದರೆ ರುಚಿಕರವಾದ ಮಾವಿನ ಹಣ್ಣಿನ ಶೀಕರಣಿ ಸವಿಯಲು ಸಿದ್ಧ. ಬಿಸಿ-ಬಿಸಿಯಾದ ಚಪಾತಿ & ಹೋಳಿಗೆ ಜೊತೆ ಈ ರುಚಿಕರವಾದ ಮಾವಿನ ಹಣ್ಣಿನ ಶೀಕರಣಿ ತುಂಬಾ ಚನಾಗಿರುತ್ತೆ .

ಬೇಕಾಗಿರುವ ಸಾಮಗ್ರಿಗಳು:-
1 ಕಪ್ ಚಿರೋಟಿ ರವಾ
3ಸ್ಪೂನ್ ಎಣ್ಣೆ
1 ಸ್ಪೂನ್ ಕಡ್ಲೆಬೆಳೆ
1 ಸ್ಪೂನ್ ಉದ್ದಿನಬೆಳೆ
2 ಹಸಿಮೆಣಸಿನಕಾಯಿ
1 ಸ್ಪೂನ್ ಶುಂಠಿ
1/4 ಕಪ್ ಗೊಡಂಬಿ
ಕತ್ತರಿಸಿದ ಕರಿಬೇವು
1 ಕಪ್ ಮೊಸರು
ರುಚಿಗೆ ತಕ್ಕಷ್ಟು ಉಪ್ಪು
ಕೊತಂಬರಿ ಸೊಪ್ಪು
1 ಕಪ್ ನೀರು
1/2 ಸ್ಪೂನ್ ಅಡುಗೆ ಸೋಡಾ
ತುರದಿರೋ ಕ್ಯಾರೆಟ್

ಮಾಡುವ ವಿಧಾನ:-
ಮೊದಲು ಒಲೆಯ ಮೇಲೆ ಒಂದು ಪಾತ್ರೆಯಲ್ಲಿ 2 ಸ್ಪೂನ್ ಎಣ್ಣೆ ಬಿಸಿ ಮಾಡಿ 1 ಸ್ಪೂನ್ ಕಡ್ಲೆಬೆಳೆ, 1 ಸ್ಪೂನ್ ಉದ್ದಿನಬೆಳೆ, 2 ಕತ್ತರಿಸಿದ ಹಸಿಮೆಣಸಿನಕಾಯಿ, 1/2 ಸ್ಪೂನ್ ತುರದಿರೋ ಶುಂಠಿ, 1/4 ಕಪ್ ಗೊಡಂಬಿ, ಕತ್ತರಿಸಿದ ಕರಿಬೇವು & 1 ಕಪ್ ಚಿರೋಟಿ ರವೆ ಹಾಕಿ ಎಲ್ಲವನ್ನು ಹುರಿದು ತಣ್ಣಗಾಗಲು ಬಿಡಿ .ಪೂರ್ತಿ ತಣ್ಣಗಾದ ಮೇಲೆ ಒಂದು ಮಿಕ್ಸಿಂಗ ಬೌಲಗೆ ಹಾಕಿ ನಂತರ 1 ಕಪ್ ಮೊಸರು 1/2 ಸ್ಪೂನ್ ಅಡುಗೆ ಸೋಡಾ & ರುಚಿಗೆ ತಕ್ಕಷ್ಟು ಉಪ್ಪು ಹಾಕಿ ಎಲ್ಲವನ್ನು ನೀಟಾಗಿ ಕಲಿಸಿ ಎಣ್ಣೆ ಸವರಿದ ಇಡ್ಲಿ ಪ್ಲೆಟಿಗೆ ತುರದಿರೋ ಕ್ಯಾರೆಟ್ & 1 ಗೊಡಂಬಿ ಪೀಸನ್ನು ಇಟ್ಟು ನಂತರ ಮುಂಚೆ ಕಲಿಸಿದ ಹಿಟ್ಟನ್ನು ಹಾಕಿ ನಂತರ ನೀರು ಬಿಸಿಮಾಡಿದ ಇಡ್ಲಿ ಪಾತ್ರೆಯಲ್ಲಿಟ್ಟು ಮೇಲಿಂದ ಮುಚ್ಚಿ 8-10 ನಿಮಿಷಗಳ ಕಾಲ ಬೇಯಿಸಿದರೆ ರುಚಿಕರವಾದ ಮಸಾಲ ಇಡ್ಲಿ ಸವಿಯಲು ಸಿದ್ಧ .

ಬೇಕಾಗಿರುವ ಸಾಮಾಗ್ರಿಗಳು:
1 ಕಪ್ ಬಾಸ್ಮತಿ ಅಕ್ಕಿ
3 ಟೊಮೆಟೊ
2-3 ಬೆಳ್ಳುಳ್ಳಿ
2-4 ಒಣ ಮೆಣಸಿನಕಾಯಿ
2 ಏಲಕ್ಕಿ
2 ಲವಂಗ
2 ಮರಾಠ ಮೊಗ್ಗು
1 ಪಲಾವ್ ಎಲೆ
1/2 ಸ್ಪೂನ್ ಜೀರಿಗೆ
1 ಸ್ಪೂನ್ ದನಿಯಾ ಪೌಡರ್
1/2 ಸ್ಪೂನ್ ಗರಮ್ ಮಸಾಲ
ಅಡುಗೆ ಎಣ್ಣೆ
ರುಚಿಗೆ ತಕ್ಕಷ್ಟು ಉಪ್ಪು

ಮಾಡುವ ವಿಧಾನ:

ಒಂದು ಪಾತ್ರೆಗೆ ಒಂದು ಕಪ್ ನೀರು ಹಾಕಿ ಬಿಸಿ ಮಾಡಿ ನಂತರ ಅದಕ್ಕೆ 3 ಟೊಮೆಟೊ ಬೆಳ್ಳುಳ್ಳಿ ಮತ್ತು ಬ್ಯಾಡಗಿ ಮೆಣಸಿನ ಕಾಯಿಯನ್ನು ಕುದಿಯುತ್ತಿರುವ ನೀರಿನಲ್ಲಿ ಹಾಕಿ ಪಾತ್ರೆಯನ್ನು ಮುಚ್ಚಿ ಮೂರರಿಂದ ನಾಲ್ಕು ನಿಮಿಷಗಳ ಕಾಲ ಬೇಯಿಸಿ

ತಣ್ಣಗಾದ ಮೇಲೆ ಟೊಮೆಟೊ ಸಿಪ್ಪೆಯನ್ನು ಬಿಡಿಸಿ ನಂತರ ಎಲ್ಲವನ್ನೂ ಮಿಕ್ಸಿ ಜಾರನಲ್ಲಿ ಹಾಕಿ ಸ್ವಲ್ಪ ಶುಂಠಿ ಸೇರಿಸಿ ರುಬ್ಬಿ.

ನಂತರ ಒಲೆ ಮೇಲೆ ಕುಕ್ಕರ್ ಇಟ್ಟು 3 ಸ್ಪೂನ್ ಅಡುಗೆ ಎಣ್ಣೆ ಹಾಕಿ ಬಿಸಿ ಮಾಡಿಕೊಳ್ಳೊಣ ನಂತರ ಅದಕ್ಕೆ ಎರಡು ಏಲಕ್ಕಿ, ಎರಡು ಲವಂಗ, ಎರಡು ಮರಾಠ ಮೊಗ್ಗು, ಒಂದು ಪಲಾವ್ ಎಲೆ ಮತ್ತು ಅರ್ಧ ಸ್ಪೂನ್ ಜೀರಿಗೆ ಹಾಕಿ ಮಿಶ್ರಣ ಮಾಡಿ. ನಂತರ ಒಂದು ಕಪ್ ಈರುಳ್ಳಿ ಹಾಕಿ ಕಂದು ಬಣ್ಣ ಬರುವವರೆಗೂ ಪ್ರೈ ಮಾಡಿ ನಂತರ ರುಬ್ಬಿರುವ ಮಸಾಲೆ ಹಾಕಿ ಮಿಶ್ರಣ ಮಾಡಿ.

ಈಗ ಇದರಲ್ಲಿ ಒಂದು ಸ್ಪೂನ್ ದನಿಯಾ ಪೌಡರ್, ಅರ್ಧ ಸ್ಪೂನ್ ಗರಮ್ ಮಸಾಲ ಪೌಡರ್ ನಂತರ ರುಚಿಗೆ ತಕ್ಕಷ್ಟು ಉಪ್ಪು ಬೇಕಾದರೆ ಒಂದು ಸ್ಪೂನ್ ಸಕ್ಕರೆ ಹಾಕಿ ಎಲ್ಲವನ್ನೂ ಚೆನ್ನಾಗಿ ಮಿಶ್ರಣ ಮಾಡಿ ಇದರಲ್ಲಿ ಒಂದು ಕಪ್ ಬಾಸ್ಮತಿ ಅಕ್ಕಿ ಹಾಕಿ ಒಂದೂವರೆ ಕಪ ನಷ್ಟು ನೀರು ಹಾಕಿ ಕುಕ್ಕರ್ ಮುಚ್ಚಿ ಬೇಸಿಸಿದರೆ ರುಚಿಕರವಾದ ಟೊಮೆಟೊ ಬಾತ್ ಸವಿಯಲು ಸಿಧ್ದ.